நமது பள்ளி அல்லது கல்லூரி நாட்களில், நாம் வருடாந்திர தேர்வை எதிர்கொண்டோம்.

ஆண்டு முழுவதும் நாம் எவ்வாறு படித்தோம் என்பதை பிரதிபலிக்கும் வகையில் அற

நமது பள்ளி அல்லது கல்லூரி நாட்களில், நாம் வருடாந்திர தேர்வை எதிர்கொண்டோம்.

ஆண்டு முழுவதும் நாம் எவ்வாறு படித்தோம் என்பதை பிரதிபலிக்கும் வகையில் அறிக்கை அட்டையைப் பெற்றோம்.

இந்த அறிக்கை அட்டையை ஒரு இருப்புநிலை அறிக்கை (Balance Sheet) என்று கருதலாம், ஆண்டு முழுவதும் நாம் என்ன செய்தோம் என்பதை இது காட்டுகிறது.

எனவே, நிதி அடிப்படையில் ஒரு இருப்புநிலை அறிக்கை என்பது, ஒரு நிறுவனம் சொத்தாக என்ன வைத்திருக்கிறது என்பதையும், குறிப்பிட்ட நேரத்தில் கடனாக அதன் கடன் அளித்தவர்களுக்கு கடன்பட்டிருப்பதையும் நமக்குக் காட்டுகிறது.

நம்மிடம் ஒரு பகுதி நிலம் இருக்கிறது என்றால், அது, சொத்துக்களின் ஒரு பகுதியாகும்.

இந்த நிலத்தை வாங்குவதற்கு எடுத்திருக்கும் எந்தவொரு கடனும் பொறுப்பின் ஒரு பகுதியாகும்.

இதை மேலும் புரிந்துகொள்வோம்.

இருப்புநிலை அறிக்கையானது இரண்டு முக்கிய வகைகளைக்
கொண்டுள்ளது: சொத்துக்கள் மற்றும் பொறுப்புக்கள்.

இந்த சொத்துக்கள் இரண்டு வகைகளாகும்: நடப்பு அல்லாத சொத்துக்கள் மற்றும் நடப்பு சொத்துக்கள்.

நடப்பு அல்லாத சொத்துக்கள் நிறுவனம் வருவாயை ஈட்ட உதவுகிறது மற்றும் அவை நீண்ட காலத்திற்கு சொந்தமானவை.

எடுத்துக்காட்டாக, இயந்திரங்கள், கட்டிடம், நிலம், நீண்ட கால முதலீடுகள் போன்றவை.

நடப்பு சொத்துக்கள் பொதுவாக ஒரு வருடம் அல்லது ஒரு வணிக சுழற்சியில் குறுகிய காலத்தில் பணமாக மாற்றப்படலாம்.

எடுத்துக்காட்டாக, சரக்குகள், குறுகிய கால முதலீடுகளான பங்குகள், பத்திரங்கள் அல்லது வங்கியில் வைத்திருக்கும் பணம் ஆகியவை.

இதேபோல், பொறுப்புகள் இரண்டு வகைகளாகும்: நடப்பு அல்லாத பொறுப்புகள் மற்றும் நடப்பு பொறுப்புகள்.

நடப்பு அல்லாத பொறுப்புக்களானது நிறுவனத்தின் கடன் வழங்குநர்களுக்கு 1 வருடம் அல்லது அதற்கு மேற்பட்ட பிறகு திருப்பிச் செலுத்தும் பகுதியைக் குறிக்கிறது.

எடுத்துக்காட்டாக, பாதுகாக்கப்பட்ட கடன்கள், நீண்ட கால கடன்கள் போன்றவை.

மறுபுறம், நடப்பு பொறுப்புகள் ஒரு வருடத்திற்குள் நிறுவனம் திருப்பிச் செலுத்த வேண்டிய பணத்தின் ஒரு பகுதியைக் குறிக்கின்றன.

எடுத்துக்காட்டாக, குறுகிய கால கடன்கள், வர்த்தகத்திற்கு செலுத்த வேண்டியவை போன்றவை.

இப்போது இந்த வீடியோவின் அடுத்த பகுதிக்கு வருகிறோம், இவை அனைத்தும் நிறுவனத்தைப் பற்றி என்ன சொல்கின்றன, இருப்புநிலை அறிக்கைகளை எவ்வாறு மதிப்பீடு செய்கிறோம்.

இதை உருப்படி வாரியாக புரிந்து கொள்வோம்

நடப்பு அல்லாத சொத்துக்கள் அதிகரித்தால், நிறுவனம் நீண்ட காலத்திற்குப் பயன்படுத்தக்கூடிய அதிக சொத்துக்களைத் தானே உருவாக்கிக்கொள்கிறது என்று அர்த்தம்.

இதன் பொருள், வளர்ச்சியானது நிறுவனத்திற்கு நன்றாகத் தெரிகிறது, அதனால்தான், நிறுவனம் அதன் சொத்து அளவை அதிகரிக்கிறது.

நடப்பு சொத்துக்கள், முடிக்கப்பட்ட அல்லது முடிக்கப்படாத பொருட்களைப்போல அதிகரித்தால் அது கவலைக்குரிய ஒரு காரணமாகும், அதாவது நிறுவனம் தனது பொருட்களை விற்க முடியாமல் போட்டியை எதிர்கொள்கிறது என்பதை உணர்த்துகிறது.

வர்த்தகப் பெறுதல்கள் (Trade Receivables) அதிகரித்தால், அந்த நிறுவனம் எந்தவொரு பண விற்பனையையும் செய்ய இயலாது, இதனால் கடனாளிகள் அதிகரித்து, நிறுவனத்தின் நீர்மை நிறைக்கு தள்ளிவிடுவதுடன் அழுத்தத்திற்கும் வழிவகுக்கும்.

இதேபோல், நடப்பு அல்லாத பொறுப்புக்கள் அதிகரித்தால், நிறுவனத்திற்கு உண்மையில் அதன் வணிகத்திற்கான நிதி தேவையா இல்லையா என்பதையும், கடன் ஈக்விட்டி விகிதத்தின் நிலை (Debt Equity ratio) என்ன என்பதையும் நாம் சரிபார்க்க வேண்டும்.

நீண்ட கால கடன்களின் அதிகரிப்பால் நிறுவன லாபத்தில் ஏதேனும் பாதகமான விளைவு ஏற்படுமா என்பதையும் நாம் சரிபார்க்க வேண்டும்.

அதேபோல், வர்த்தக செலுத்துதல்கள் (Trade Payables) போன்ற நடப்பு பொறுப்புக்கள் அதிகரித்தால், நிறுவனம் சில பணப்புழக்க சிக்கல்களைக் கொண்டிருக்கக்கூடும், இதன் காரணமாக அதன் கடனாளிகளுக்கு பணம் செலுத்த முடியாத நிலை ஏற்படும்.

இப்போது நாம் ஏன் இத்தகைய பதிவுகளை வைத்திருக்க வேண்டும்?

முதலாவதாக, ஒரு நிறுவனம் எதை வைத்திருக்கிறது மற்றும் அது செலுத்த வேண்டியது என்ன என்பதற்கான தகவல்களைப்பெற இது உதவுகிறது.

இது வணிகத்தின் உரிமையாளர்களுக்கு நிறுவனத்தின் நிதி நிலையைப் பற்றிய யோசனைகளை அளிப்பதுடன், முக்கிய முடிவுகளை எடுக்க உதவுகிறது.

எனவே, இந்த வீடியோ மூலமாக நாம் அறிவது இருப்புநிலை அறிக்கை என்பது ஒரு நிறுவனத்தின் நிதி ஆரோக்கியத்தை வெளிப்படுத்தும் அறிக்கை அட்டையை போன்றதே என்பதாகும்.

இதன் அடிப்படையில், ஒரு பங்குதாரர் நிறுவனங்களின் நிதி நிலை வலுவாக இருக்கிறதா இல்லையா என்பதையும், அவர்கள் அந்த நிறுவனத்தில் முதலீடு செய்யலாமா வேண்டாமா என்பதை தீர்மானிக்க முடியும்.