ஒரு நிறுவனத்தில் சுத்தமான இருப்புநிலை இருக்க வேண்டும் என்று அடிக்கடி நாம் கேள்விப்பட்டிருக்கிறோம், இதுவே ஆரோக்கியமான நிதி வலிமையைக் குறிக்கும்.

ஆனால் இருப்புநிலை அறிக்கையைப் படித்து, அது நன்றாக

ஒரு நிறுவனத்தில் சுத்தமான இருப்புநிலை இருக்க வேண்டும் என்று அடிக்கடி நாம் கேள்விப்பட்டிருக்கிறோம், இதுவே ஆரோக்கியமான நிதி வலிமையைக் குறிக்கும்.

ஆனால் இருப்புநிலை அறிக்கையைப் படித்து, அது நன்றாக உள்ளதா இல்லையா என்று சொல்வது உண்மையில் சாத்தியமா?

இதற்கு பதில் “ஆம்”.

இந்த வீடியோவில், இருப்புநிலை அறிக்கைகளை ஒருவர் எவ்வாறு படித்து புரிந்துக் கொண்டு நிறுவனத்தின் நிதி ஆரோக்கியத்தைப் பற்றி அறிந்து கொள்ளமுடியும் என்பதை நாம் புரிந்துகொள்வோம்.

ஒரு இருப்புநிலை அறிக்கை இரண்டு பகுதிகளைக் கொண்டுள்ளது: சொத்துக்கள் (Assets) மற்றும் பங்குகள்(Equity) மற்றும் பொறுப்புக்கள் (Liabilities).

சொத்துக்கள் என்பது நிறுவனத்திற்கு வருமானம் அல்லது செல்வத்தை உருவாக்கச்செய்யும் நிறுவனத்தின் சொந்தமான வளங்கள்.

சொத்துக்கள் மீண்டும் நடப்பு அல்லாத சொத்துகள் மற்றும் நடப்பு சொத்துக்கள் என்று பிரிக்கப்படுகின்றன.

நடப்பு அல்லாத சொத்துக்கள் என்பது நிறுவனத்திற்கு வருவாய் ஈட்ட உதவும் மற்றும் நீண்ட காலத்திற்கு சொந்தமாக வைத்திருக்கும் பொருட்களாகும்.

எடுத்துக்காட்டாக, இயந்திரங்கள், கட்டிடம், நிலம், நீண்ட கால முதலீடுகள் போன்றவை.

நீண்ட கால சொத்துக்கள் பொதுவாக துறைக்குத் துறை வேறுபடுகின்றன. உதாரணத்திற்கு:

ஒரு ரியால்டி நிறுவனம் பொதுவாக ஐ.டி துறையில் செயல்படும் ஒரு நிறுவனத்தை விட நிலையான சொத்துக்கள் மற்றும் முதலீட்டு சொத்துக்களை அதிகம் கொண்டிருக்கும்.

நடப்பு அல்லாத சொத்துகளுக்கான முதலீடுகளின் எந்தவொரு அதிகரிப்பும் ஒரு நிறுவனத்திற்கு நேர்மறையான சமிக்ஞையை அளிக்கிறது, ஏனெனில், இது நீண்ட கால சொத்துக்களை உருவாக்கும் திறனை வளர்ப்பதுடன், இது நிறுவனத்தின் நீண்ட கால வளர்ச்சி திறனையும் குறிக்கிறது.

நடப்பு சொத்துக்கள்: நடப்பு சொத்துக்கள் என்பது ஒரு குறிப்பிட்ட காலப்பகுதியில் கையகப்படுத்தப்பட்டவை மற்றும் குறுகிய காலத்திற்கு வருவாயை ஈட்டக்கூடியவை.

எடுத்துக்காட்டாக: சரக்குகள், வர்த்தக பெறுதல்கள் (Trade Receivables), குறுகிய கால முதலீடுகள், வங்கி இருப்பு போன்றவை.

ஒரு சரக்கு என்பது நிறுவனத்தின் மூலப்பொருட்கள், நடப்பு வேலை மற்றும் முடிக்கப்பட்ட பொருட்கள் ஆகியவை.

நிறுவனம் மற்றும் அது இயங்கும் தொழில்துறையின் தன்மையைப் பொறுத்து சரக்குகள் வேறுபடுகின்றன.

எடுத்துக்காட்டாக, ஒரு உற்பத்தி நிறுவனம் ஒரு பெரிய அளவிலான சரக்குகளை எடுத்துச் செல்லும், அதே நேரத்தில் நிதி அல்லது ஒரு தகவல் தொழில்நுட்ப நிறுவனம் அப்படி எதையும் எடுத்துச்செல்வதில்லை.

ஒரு நிறுவனத்தின் சரக்கு அல்லது வர்த்தக பெறத்தக்கவைகள் (Trade Receivables) போன்ற நடப்பு சொத்துக்களின் தொடர்ச்சியான அதிகரிப்பானது நிறுவனத்தின் திறமையான செயல்பாட்டில் பலவீனத்தை சுட்டிக்காட்டுகிறது.

இது எந்தவொரு வருவாயையும் சம்பாதிக்காமல் செயல்பாட்டு மூலதனத்தை கட்டி இழுத்துவிடச்செய்கிறது..

அடுத்தது பங்குகள் மற்றும் பொறுப்புக்கள்

பங்குகள் மற்றும் பொறுப்புக்கள் நமக்குக் காட்டுவது, நிறுவனத்திற்கு மூலதன பங்களிப்பின் பங்குகளை தங்கள் சொந்த பைகளிலிருந்து ஈட்டினால் அவைகள் ஈக்விட்டிகள் என்று அழைக்கப்படும், மற்றும் நிறுவனம் கடனாக வாங்கிய பணங்களை, பொறுப்புக்கள் (Liabilities) என்று அழைக்கப்படும்.

நிறுவனத்தை விடாமுயற்சியுடன் நடத்துவதற்கான நிறுவனத்தின் கடன் புத்தகத்தையும் இது காட்டுகிறது.

எனவே ஈக்விட்டி என்றால் என்ன

ஈக்விட்டி என்பது உரிமையாளர்கள் தங்கள் சொந்த வியாபாரத்தில் வைக்கும் மூலதனம்.

ஈக்விட்டியின் மற்றொரு பகுதி இருப்புக்கள் (Reserves) அல்லது தக்க வருவாய் (Retained earnings) ஆகும், இது எதிர்கால பயன்பாட்டிற்கான இருப்பு என நிறுவனம் ஒதுக்கி வைத்துள்ள வருவாயின் ஒரு பகுதியாகும்.

இது மொத்தத்தில் பங்குதாரர்கள் நிதியை உருவாக்குகிறது.

பொறுப்புக்கள் மீண்டும் நடப்பு அல்லாத பொறுப்புக்கள் மற்றும் நடப்பு பொறுப்புக்கள் என்று வகைப்படுத்தப்படுகின்றன.

நடப்பு அல்லாத பொறுப்புக்கள் 1 வருடம் அல்லது அதற்கு மேல் திருப்பிச் செலுத்த வேண்டிய கடன்களாகும்.

எடுத்துக்காட்டாக பாதுகாப்பான கடன்கள், நீண்ட கால கடன்கள் போன்றவை.

நிறுவனத்திற்கு அதன் செயல்பாடுகளைத் தொடர நிதி தேவைப்படுகிறது அல்லது அதன் வணிகத்தை விரிவுபடுத்துவதற்கு மூலதன செலவு களுக்காக (Capex) , நிறுவனம் நீண்ட கால கடன்களின் கீழ் வரும் பல்வேறு மூலங்களிலிருந்து பணத்தை வாங்குகிறது.

இது வணிகத்தில் காணப்பட வேண்டிய மிக முக்கியமான பகுதியாகும்.

அதிக கடன் அதிக வட்டி செலவுகளுக்கு வழி வகுப்பதுடன், குறைந்த இலாபத்திற்கும் வழிவகுக்கும்.

கடன் வாங்குவதும் துறைக்குத் துறை மாறுபடும்.

ஒரு உற்பத்தி அல்லது ரியால்டி துறைக்கு ஒரு FMCG அல்லது I.T நிறுவனத்தை விட அதிக கடன் தேவைப்படும்.

அடுத்தது நடப்பு பொறுப்புகள், அவை ஒரு வருடத்திற்குள் நிறுவனம் திருப்பிச் செலுத்த வேண்டிய பணத்தின் ஒரு பகுதியைக் குறிக்கின்றன.

எடுத்துக்காட்டாக குறுகிய கால கடன், வர்த்தக செலுத்துதல் போன்றவை.

இருப்புநிலைப் படிப்பைப் பகுப்பாய்வு செய்வது, வெவ்வேறு துறைகளில் பணிபுரியும் வெவ்வேறு நிறுவனங்களுக்கு வித்தியாசமாக இருக்கும் என்பதை நாம் கவனத்தில் கொள்ள வேண்டும்.

நிதி நிறுவன இருப்புநிலைக் குறிப்பைப் பார்வையிடுவதும், ஒரு ரியால்டி துறை அல்லது எந்த உற்பத்தி நிறுவனத்திற்கும் முற்றிலும் மாறுபட்டதாக இருக்கும்.

இதனால் குறுகிய கால கடன்கள் மற்றும் வர்த்தக செலுத்துதல்களில் தொடர்ச்சியான அதிகரிப்பு நிறுவனத்திற்கு குறைபாடான கண்ணோட்டத்திற்கு வழிவகுக்கிறது.

நிறுவனம் கடுமையான பணப்புழக்க நெருக்கடியில் இருக்கக்கூடும் என்று ஒருவரை நம்ப வைக்கிறது.

இருப்புநிலைக் குறிப்பின் அடிப்படை நோக்கம், முதலீட்டாளர்களுக்கு நிறுவனத்தின் நிதி நிலைகளையும், நிறுவனங்களின் சொந்தங்களையயும் கடன்களைப் பற்றியும் யோசனைகளை வழங்குவதாகும்.

ஒவ்வொரு முதலீட்டாளரும் இருப்புநிலை அறிக்கைகளை எவ்வாறு திறம்பட படிப்பது மற்றும் முதலீட்டைப் பற்றி முடிவு செய்வதற்கு முன்னர் நிறுவனத்தைப் பற்றிய முக்கியமான புள்ளிகளை எவ்வாறு தேர்ந்தெடுப்பது என்பதை அறிந்து கொள்வது அவசியம்.